الحياة حلوة بس نفهمها

و عارفين كمان ايه اللى حصل؟ أعدو ساكتين، ساكتين على نفسهم. كل واحد بيروح الشغل، و يرجع من الشغل يروح البيت، و لو فيه فى التلفزيون ماتش أو فيلم عربى ظريف يعدوا يتفرجوا عليه. و الأخبار، بلاش الأخبار، كئيبة و كلها نفس الحاجة؛ ناس بتموت. لاكن الحمد لله احنا معندناش مشاكل. كل حاجة كويسة. ماعندناش ناس بتقتل بعضيها، ولا عندنا بلد تانية محتلانا، ولا أمريكا قررت ان احنا اللى ضربناها، والحمد لله معندناش بن لادن عايش على أرض بلادنا. والأسعار معقولة، والجنيه بيعلا، والناس شبعانة، والشباب أول مابيتخرج بيلاقى شغل، والرجالة بتعامل مراتتها أخر تمام، والدين مش داخل فى السياسة، ومعندناش ارهابيين فى البلد، والعمال حققوقهم محفوظة، والمجارى مش بتطفح، ومعندناش شحتين، والناس مبسوطة، والمحمول فى يد الجميع، والحياة حلوة بس نفهمها...